O MAGO CALI

O programa Bocaberta 2010-2011, é unha iniciativa coa que a Secretaría Xeral de Política Lingüística busca promover a lingua galega entre os rapaces e rapazas de 3 a 18 anos. As actividades que conforman Bocaberta están elaboradas desde os intereses dos nenos e dos mozos co obxectivo fundamental de propiciar a súa participación activa a través da palabra.

Ó noso Centro, o día 17 de Novembro achegouse o Mago Cali cun espectáculo que abre a porta á imaxinación: as palabras convértense en fascinantes historias máxicas. Con sorpresa, humor e diversión, amósase como con calquera palabra se pode facer maxia.

O seu espectáculo está inspirado na obra Contos por palabras, de Agustín Fernández Paz (Premio Nacional de Literatura Infantíl e Xuvenil, 2008).